Pasian in eite lunggulh na hong thei-in March 15, 2012 (Thu) ni nitak 9:00pm hun ciangin pawlpi thak tawh ki patkhiat ding a lunggulh mahmah Mi 39 tawh Rev. Kap Mang Hatlang te innsung ah thunget khopna le thu kikupna ki nei-in, pawlpi min dingin ZBCM cih ding thukimna ki nei hi. Ahi zongin hih pen a min a sau lawhna bang hi ding ci in tawlkhat sung ki kupna tuamtuam ki nei aa, a tawpna ah Rev. Dr. Chin Do Kham pen pawlpi in cih mawh mahmah laitak le thu haksa mahmah khat a ki nawkkhak laitak in amah thudotpi khat bangin ki nei ahih natawh amah a ki dot tak ciangin Kawlgam pekpan in na deih mahmah uh min ahih ciangin ZBCM TULSA cihpah ziau un ci in hong genna tawh ki zui in ki kipsak aa, hih min mah tawh hanciam to in EIN nambat le 501C3 te zong a ki ngahkhia thei hong suak hi.

 

Pawlpi i ki patcil lai in thu ki nak nget mahmah a, Topa'n thupha hong pia in Fulltime Pastor khat le parttime Sia Mi 3 tawh a ki dingto pawlpi ahi hi. Ahi zongin Kum 8 (2012-2020) sungin Pasian in nakpi takin hong phungvuh in Fulltime Pastor Mi 4 le Parttime Sia 1 hong omsak in, Pawlpi member Mi 870 val tawh Pasian min hong phatsak ahih manin Topa tungah lungdamna i ko hi. Topa in a phuhsa pawlpi hong nusialo dinga, mailam ah a picing, a pawlcing mahmah cih bek hilo in na lianpi tampi hong semsak lai ding hi. Topa in min phatna khempeuh ngahta hen. Amen

​

ZBCM of TULSA CHURCH FOUNDERS (March 15, 2012)

​

​
 

 

 

 

 

 

 

 

 

 

 

Note tawh na semkhawm

Rev, Kap K Hatlang (Late)

Former Senior Pastor 

ZBCM of TULSA CHURCH